Институт за социолошки и политичко-правни истражувања - ИСППИ

Повик за платена научна пракса на Заедничкиот истражувачки центар на Европската комисија

isppi — Thu, 16 Oct 2025 08:21:04 +0000

Повик за платена научна пракса на Заедничкиот истражувачки центар на Европската комисија isppi 16.10.2025

Научноистражувачки проект: "Хумана комуникација кај младите: аспекти, фактори и креативни начини на нејзино развивање"

isppi4 — Mon, 06 Oct 2025 10:31:15 +0000

Научноистражувачки проект: "Хумана комуникација кај младите: аспекти, фактори и креативни начини на нејзино развивање"

Институтот за социолошки и политичко-правни истражувања (ИСППИ) – Скопје доби финансирање за нов научноистражувачки проект од Министерството за образование и наука на РС Македонија во рамките на Конкурсот за финансирање на научно-истражувачки проекти на државните универзитети-факултети/научни институти/МАНУ за 2025 година, како еден од 15-те финансиски поддржани проекти од општествените и хуманистичките науки.

На седми август 2025 година, во просториите на Министерството, официјално беше потпишан договорот за реализација на проектот со наслов „Хумана комуникација кај младите: аспекти, фактори и креативни начини на нејзино развивање“ од страна на министерката за образование, проф. д-р Весна Јаневска, тогашната директорка на ИСППИ, проф. д-р Бојана Наумовска, и раководителката на научноистражувачкиот проект, проф. д-р Елеонора Серафимовска.

^{Извор: Министерство за образование и наука}

Научноистражувачкиот проект „Хумана комуникација кај младите: аспекти, фактори и креативни начини на нејзино развивање“ се фокусира на истражувањето на хуманата комуникација – нејзините компоненти, факторите што влијаат врз нејзиното развивање, како и можностите за нејзина примена и унапредување, особено кај младите на возраст од 11 до 14 години. Основната цел е теоретско моделирање и практично тестирање на концептот на емпатична, општествено одговорна и креативна комуникација, како предуслов за квалитетни меѓучовечки односи, социјална кохезија и општа благосостојба.

Проектот тежнее да придонесе кон развој на инклузивни, партиципативни, одржливи и креативни научни практики, преку активно вклучување на младите во истражувачкиот процес – од дизајнирање на инструментите до анализа на податоците. Истовремено, се отвора простор за подлабока научна и јавна дебата за значењето на хуманата комуникација и нејзината улога во образованието, науката и поширокото општество. Овој проект претставува значаен чекор во насока на зајакнување на улогата на младите во општествените науки, што е во согласност со современите меѓународни заложби, вклучително и препораките на УНЕСКО и Националната стратегија за млади 2023-2027.

Проучувањето на аспектите и факторите на хуманата комуникација може значително да придонесе за продлабочување и проширување на научното знаење на неколку клучни начини:

да придонесе за теоретски напредок: со истражување на основните компоненти на хуманата комуникација, истражувачите можат да ги усовршат постојните комуникациски модели и теории. На пример, интегрирањето на хуманите елементи во рамките на меѓучовечката, меѓукултурната или масовната комуникација може да доведе до посеопфатни модели што подобро ги одразуваат интеракциите во реалниот свет.
да овозможи практични примени: сознанијата од оваа област можат да бидат искористени во образовните програми, практиките за решавање конфликти, интервенциите за ментално здравје и етиката (вклучувајќи ја и онаа медиумската). Ова не само што ја подобрува ефикасноста на комуникацијата туку и промовира благосостојба и социјална кохезија.
да обезбеди етички и одговорни комуникациски рамки: ова истражување помага во развивање на етички комуникациски упатства во новинарството, политиката, бизнисот, културата и онлајн-дискурсот, промовирајќи демократски вредности и општествена одговорност.
да овозможи справување со современите предизвици: во ерата на дигитални дезинформации, поларизација и социјална неправда, истражувањето за хумана комуникација обезбедува алатки за спротивставување на дехуманизирачките наративи, поттикнувајќи поинклузивен и конструктивен јавен дијалог.

Членови на истражувачкиот тим од ИСППИ:

Проф. д-р Елеонора Серафимовска (раководителка на проектот)
Проф. д-р Маријана Марковиќ
Проф. д-р Ганка Цветанова
Ас. м-р Теа Конеска-Василевска

isppi4 06.10.2025

Состојба

Активен

Научноистражувачки проект „Мапирање на креативните индустрии во Република Македонија“

isppi4 — Mon, 06 Oct 2025 10:30:34 +0000

Научноистражувачки проект „Мапирање на креативните индустрии во Република Македонија“

Креативните индустрии претставуваат еден од клучните двигатели на современата економија, поттикнувајќи иновации, претприемништво и отворање нови можности за вработување, особено за младите и талентираните. Тие не само што генерираат значајна економска вредност, туку и придонесуваат за културната динамика и меѓународната препознатливост на државата. Развојот на овој сектор овозможува услови за одржлив економски раст и зголемена глобална конкурентност.

Иако терминот креативни индустрии и понатаму се користи за означување на сектори како уметноста, дизајнот, медиумите и културната продукција, сè почесто се применува поширокиот концепт на креативна економија. Овој поим ја вклучува традиционалната креативна индустрија, но истовремено ја зема во предвид и пошироката улога на креативноста во процесите на дигитална трансформација, технолошки иновации и културната размена. На тој начин, креативната економија се наметнува како стратешки ресурс за современиот економски и општествен развој.

Токму поради нивното економско и општествено значење, креативните индустрии и поширокиот концепт на креативната економија сè повеќе се позиционираат како еден од клучните приоритети во културните политики. Тие повеќе не се гледаат само како дел од културниот сектор, туку и како стратегиски ресурс за развој што бара координиран пристап и институционална поддршка. Во овој контекст, културните политики треба да се стремат кон поддржување на креативниот потенцијал, истовремено создавајќи услови за негово одржливо искористување како во економијата така и во општеството во целина.

Креирањето ефективни културни политики, особено во делот на креативните индустрии, мора да биде базирано на прецизно мапирање на состојбата на овој сектор во државата. Овој процес подразбира примена на однапред утврдена и научно верификувана истражувачка методологија, усогласена со меѓународно признати стандарди што се применуваат во земјите каде овој сектор е високо развиен. Само врз основа на релевантни и систематски собрани податоци може да се изработат политики што ќе одговорат на реалните потреби и ќе придонесат кон негов одржлив развој.

Институтот за социолошки и политичко-правни истражувања, како единица на Универзитетот „Св. Кирил и Методиј“ во Скопје, во изминатиот период се профилираше како релевантна научноистражувачка институција во областа на мапирањето на креативните индустрии. Во својата работа и сите претходно спроведени мапирања, Институтот применува современа и научно верификувана методологија, усогласена со меѓународни стандарди, со што обезбедува релевантна основа за креирање ефикасни и одржливи културни политики во овој сектор.

Во таа смисла, но и како резултат на Меморандумот потпишан од страна на Министерството за култура и туризам и УКИМ во сферата на истражувањето во областа на културата, Институтот за социолошки и политичко-правни истражувања и Министерството за култура и туризам склучија договор за реализирање проект за мапирање на креативните индустрии во Република Македонија. Проектот ќе се реализира во период од две години. Целта на проектот е да се обезбеди целосна и систематизирана анализа на состојбата и потенцијалот на креативните индустрии, со примена на современи методи за собирање и обработка на податоци, што ќе овозможи креирање ефективни и одржливи политики и стратегии за развој на секторот.

Членови на истражувачкиот тим:

Проф. д-р Ганка Цветанова (раководителка на проектот)
Проф. д-р Марија Топузовска Латковиќ (кораководителка на проектот)
Проф. д-р Елеонора Серафимовска
Проф. д-р Маријана Марковиќ
Проф. д-р Мирјана Борота Поповска
Доц. д-р Блаже Јосифовски
Ас. м-р Теа Конеска-Василевска
Ас. м-р Тијана Ангова Хаџиева

isppi4 06.10.2025

Состојба

Активен

Конечна листа на кандидати за запишување на трет циклус академски студии

isppi — Thu, 02 Oct 2025 09:33:03 +0000

Конечна листа на кандидати за запишување на трет циклус академски студии isppi 02.10.2025

ПРЕГЛЕД НА ДОКТОРСКИ ДИСЕРТАЦИИ 2024 ГОДИНА

isppi — Tue, 30 Sep 2025 09:26:04 +0000

ПРЕГЛЕД НА ДОКТОРСКИ ДИСЕРТАЦИИ 2024 ГОДИНА isppi 30.09.2025

ПРЕГЛЕД НА МАГИСТЕРСКИ ТРУДОВИ ВО 2025 година

isppi — Tue, 30 Sep 2025 09:18:47 +0000

ПРЕГЛЕД НА МАГИСТЕРСКИ ТРУДОВИ ВО 2025 година isppi 30.09.2025

ПРЕГЛЕД НА МАГИСТЕРСКИ ТРУДОВИ ВО 2024 година

isppi — Tue, 30 Sep 2025 09:08:50 +0000

ПРЕГЛЕД НА МАГИСТЕРСКИ ТРУДОВИ ВО 2024 година isppi 30.09.2025

Одбележан јубилејот по повод 60 години од основањето на Институтот за социолошки и политичко-правни истражувања – Скопје

isppi — Thu, 25 Sep 2025 13:03:11 +0000

Одбележан јубилејот по повод 60 години од основањето на Институтот за социолошки и политичко-правни истражувања – Скопје isppi 25.09.2025

Прелиминарна листа на кандидати за запишување на трет циклус академски студии

isppi — Tue, 23 Sep 2025 08:11:23 +0000

Прелиминарна листа на кандидати за запишување на трет циклус академски студии isppi 23.09.2025

60 години Институт за социолошки и политичко-правни истражувања (ИСППИ) 1965-2025

isppi4 — Fri, 19 Sep 2025 12:35:54 +0000

60 години Институт за социолошки и политичко-правни истражувања (ИСППИ) 1965-2025 isppi4 19.09.2025

Институција која веќе шест децении претставува еден од темелите на општествените науки во нашата земја.

60 години Институт за социолошки и политичко-правни истражувања (ИСППИ) 1965-2025