Д-р Mирјана Борота Поповска - редовен професор. Родена во Скопје. Во 1991 година ди- пломирала на Филозофскиот факултет во Скопје ННГ за филозофија, со просечен успех 9,1. На постдипломски студии по Менаџмент на човечки ресурси при Институтот за социолошки и политичко-правни истражувања, во јули 1995 со успех го одбранила магистерскиот труд: „Де- ловната етика во организациите во периодот на транзиција во Република Македонија“.Пост- дипломските студии ги завршува со просечен успех 10. Докторската дисертација, со наслов Менаџментот на промени и човечкиот потенцијал ја одбранила во мај 1999 година.
Мирјана Борота Поповска во текот на својот професионален развој ги посетувала и со успех ги завршила повеќе форми на образование/усовршување, што се релевантни за унапредување на приодот во наставата. Исто така, била добитник на три угледни меѓународни стипендии: ТЕМПУС
- стипендија за индивидуална мобилност (1998), ХЕСП Mobility Grant (2002), ЈФДП (Junior fellow- ship Program) од Владата на САД (2004).
Од 1.6.1993 година е вработена во Институтот за социолошки и политичко-правни истражувања, Скопје.
Од 1999 година го раководи Центарот за развој на менаџмент и човечки ресурси при Институтот, каде што ја реализира научноистражувачката дејност. Претседател на Советот на Институтот била во периодот 2005-2008 година. Од 2002 до 2006 година е претседател на Самоевалуациската комисија на Институтот.
Области на професионален (научноистражувачки) интерес на д-р Мирјана Борота Поповска се менаџмент на човечки ресурси, стратегиски менаџмент, стратегиски менаџмент на човечки ресурси, организациско однесување, менаџмент на промени, деловна етика и сл.
Во текот на изминатите години таа има учествувано во повеќе проекти и научноистражувачки активности од меѓународен и домашен карактер, главно во областа на организациските науки и управување (менаџмент), како во приватниот, така и во јавниот сектор, особено за менаџментот во централната и локалната власт. Во рамките на овие проекти учествувала во сите истражувачки фази, а на повеќето била раководител. Во овој период учествува на голем број конференции и објавува научни и стручни трудови, како во меѓународни, така и во домашни списанија.
Во моментот е на работното место директор на Институтот за социолошки и политичко-правни истражувања, Скопје.
https://isppi.ukim.edu.mk/sites/default/files/2023-12/izbor%20vo%20zvanje%20borota.pdf